侏羅紀世界：統治霸權
2022-06-03



由1993年發展至今集，作為《侏羅紀世界》系列的最終章,相信製作團隊有很多考量，要交代三代主人翁的事情亦太多，而且已經沒有侏羅紀公園，故事相比起以前的風格一定要有所轉變，如果你抱着睇以前主題樂園恐龍嘅夢幻困獸鬥感覺，你可能會失望，但係難得三代新舊演員一齊合作,兩代主角一齊叫 Don't move 已經帶哂嗰啲集體回憶返嚟。



不過如果想睇恐龍嘅朋友，侏羅紀系列當然會繼續有緊張嘅恐龍追逐鏡頭,所以又唔太失望；而且今次應該係最多恐龍品種出現的一集,包括速度驚人的野蠻盜龍；身披火紅羽毛、驚艷駭人的火盜龍；暱稱為“小藍”的迅猛龍；有史以來最大的飛行生物風神翼龍；陸地霸主霸王龍；及最大的食肉動物南方巨獸龍等，加上雙脊龍、三角龍、鐮刀龍、食肉牛龍、齒翼龍等超過20種不同的恐龍出現。所以想睇恐龍格鬥，及追逐主角的緊張場面亦不少。



承接故事發展，這次講述恐龍進入了人類世界, 加上基因改造的議題，侏羅紀公園不再存在，故事開場已經係十分刺激嘅連場追逐戰, 有啲職業特工隊+救參96小時+ 叛諜追擊的影子。但可能三代主角需要各有支線鋪排，所以整體進度唔算緊湊，但最後三條線歸一後，努力逃離基地，就有返侏羅紀系列嘅感覺，而結局亦令人滿意。講真恐龍題材來到這個集數其實已經很難突破,但作為一套重量級製作,都係值得一睇！尤其是我個人很喜歡電影最後一句對白，帶出故事主旨係想人同恐龍要共存，只要大家肯包容共存,世界就會變得更美好。 




leavel message  |  view message(0)